තුන්කොන් තරගාවලියක්… ශ්‍රී ලංකා, බංගලිදේශ් සහ සිම්බාබ්වේ

බංගලිදේශ් කණ්ඩායම, ශ්‍රී ලංකා කණ්ඩායම සහ සිම්බාබ්වේ කණ්ඩායම සහභාගී වන එක්දින තුන්කොන් ක්‍රිකට් තරගාවලියක් බංගලාදේශයේ දී පැවැත්වීමට නියමිතව ඇත. 2018 ජනවාරි 15 දා සිට තරගාවලිය ආරම්භ වේ. තරගාවලිය ආරම්භ වන්නේ සිම්බාබ්වේ කණ්ඩායම සහ බංගලිදේශ් කණ්ඩායම අතර පැවැත්වෙන තරගයකිනි. පළමු වටයේ තරග හයක් ක්‍රීඩා කිරීමෙන් අනතුරුව ලකුණු සටහන අනුව ඉදිරියෙන් සිටින කණ්ඩායම් දෙක ජනවාරි 27 වනදා පැවැත්වෙන අවසන් මහා තරගයට සුදුසුකම් ලබයි.එම තරගාවලියේ කාලසටහන පහතින් දැක්වේ.

එක් දින තුන්කොන් තරගාවලියෙන් අනතුරුව ශ්‍රී ලංකා කණ්ඩායම සහ බංගලිදේශ් කණ්ඩායම අතර පැවැත් වෙන තරග දෙකකින් යුත් ටෙස්ට් තරඟාවලිය ජනවාරි 31 දා සිට ආරම්භ වේ.පළමු ටෙස්ට් තරගය චිතගොං හිත් දෙවන ටෙස්ට් තරඟය බංග්ලාදේශය අගනුවර වන ඩකා හිත් පැවැත්වේ. ටෙස්ට් තරගාවලියෙන් අනතුරුව තරඟ දෙකකින් යුත් T20 තරගාවලිය පෙබරවාරි 15 වනදා සිට ආරම්භ වෙයි. ටෙස්ට් සහ T20 තරග වල කාලසටහන පහතින් දැක්වේ.

අජන්ත මෙන්ඩිස්‌ගෙන් තුන් ඉරියව් දක්‍ෂතාවය සිංහ පිළ අපරාජිතව දෙවැනි වටයට ගෙනයයි…පන්දු 24කදී ලකුණු 50යි ..  දකුණු අප්‍රිකාවේ කේප් ටවුන්හී පැවැත්වෙන 2017 ‘ලාස්‌ට්‌ මෑන්’ ක්‍රිකට්‌ ලෝක ශූරතාව නියෝජනය කරන අජන්ත මෙන්ඩිස්‌ගේ නායකත්වයෙන් යුත් වෙනෝරා ශ්‍රී ලංකා පිල පළමු වටයේ සහභාගි වූ තරග තුනම ජය ගනිමින් අපරාජිතව දෙවැනි වටයට සුදුසුකම් ලබා තිබේ.අදාළ ලෝක කුසලාන වෙනුවෙන් ශ්‍රී ලංකාවේ පැවැති ‘ලාස්‌ට්‌ මෑන්’ ක්‍රිකට්‌ ශූරතාවයේ ශූරතාව දිනූ කණ්‌ඩායම සහ තවත් ක්‍රීඩකයන්ගෙන් සැදුම්ලත් කණ්‌ඩායමක්‌ ශ්‍රී ලංකාව නියෝජනය කරනු ලබයි. සාමාන්‍ය ක්‍රිකට්‌ නීති රීතිවලට වඩා වෙනස්‌කම් වලින් යුත් මෙම ‘ලාස්‌ට්‌ මෑන්’ ක්‍රිකට්‌ ආකෘතියට ලොව ජාත්‍යන්තර ක්‍රිකට්‌ ක්‍රීඩකයන් රාශියක්‌ම සහභාගි වේ. එවැනි පසුබිමක ශ්‍රී ලංකා පිල පළමු වටය අපරාජිතව නිමා කිරීමට සමත් වීම විශේෂත්වයකි.වෙනෝරා ශ්‍රී ලංකා පිල සහභාගි වන කාණ්‌ඩයේ ප්‍රසාද ලකුණු 30 ක්‌ ලබා පෙරමුණ ගෙන තිබේ. ශ්‍රී ලංකා පිල විසින් පළමු වටයේදී මස්‌ට්‌ නෙවා කාකා පිල ලකුණු 65 කින්ද ටී.එµa.සී. පිල ලකුණු 66 කින් සහ මරීනා සී.සී. පිල ලකුණු 100 කින් පරාජය කිරීමට සමත් විය. අජන්ත මෙන්ඩිස්‌ විසින් එක්‌ තරගයකදී පන්දු 24 කදී අර්ධ ශතකයක්‌ ලබා ගැනීමට සමත්ව තිබේ. මෙන්ඩිස්‌ගේ පන්දුවාර හතර අඩු ලකුණු සංඛ්‍යාවකට යවමින් ප්‍රතිවාදීන්ට පීඩනයක්‌ ගෙන දීමට මූලික වටයේදී සමත්ව තිබේ.කණ්‌ඩායම් 48 ක්‌ මෙම තරගාවලිය නියෝජනය කරන අතර අවසන මහා තරගය ලබන 16 වැනිදා පැවැත්වේ. අවසන් පිතිකරුවාටද පන්දුවට පහරදිය හැකි ලෙස මෙම ක්‍රිකට්‌ තරග ආකෘතිය සකස්‌ කර ඇති අතර පන්දුවාර විස්‌සේ තරග ලෙස තරගාවලිය ක්‍රියාත්මක වේ. වෙනෝරා ශ්‍රී ලංකා ලාස්‌ට්‌ මෑන් කණ්‌ඩායම // අජන්ත මෙන්ඩිස්‌ (නායක), ලක්‌ෂිත මධුෂාන්, හෂාන් රන්දික, ජනිත් චතුරංග, ලක්‌ෂ එදිරිසිංහ, හිමාෂ ලියනගේ, නුවන්ත රත්නායක, ජනක සම්පත්, ප්‍රභාත් ජයවර්ධන

Leave a Reply

Your email address will not be published. Required fields are marked *